Jula med Dagmar..

Då er vi komen heim frå juleferie i Nordland. Langs heile vestkysten har vel denne jula vore prega av masse vind. Når ein hugsar tilbake på jula i 2011 trur eg det vi vil hugse er alt uværet. Her heime har Dagmar velta eit stort ospetre nedover bakken. I fallet har det "skrella" storegrana på eine sida. Storegrana er ei svær edelgran på 30m og nesten 200 år som stær midt på garden. Her ser ikkje ut! Vi har starta å rydde på ospa. Så får vi sjå om resten kan stå eller om vi må ta grana og dei to gjenståande ospene etterkvart og... Det er slik med tre som står tett at dei stabiliserer kvarandre. Så når ei vert vekke vert dei andre svært utsett og vi snakkar her om STORE tre! Då treet fall tok det og straumlinja til huset vår. Vegen til kommunen vår vart stengd av ras, det er den framleis. Så for å komme nokon stad må vi ta ein omveg om nabokommunen med ferje! MEN: det er anddre som har det langt verre enn oss. Løer, hus og campingvogner er blåst i fillebitar. På turen heim fekk vi sjå mykje! Dagmar har herja stygt i indre Nordfjord! Bileta er før og etter Dagmar...









No skal vi berre nyte det som er att av jula og nyttårshelga. Vi har ikkje pynta så mykje i år sidan vi har vore bortreist men litt pynt må vi jo ha. Og eit lite juletre som er sjølvplukka:) I kveld skal vi feire nyttårsaftan her heime og i morgon tar vi ein tur til Førde til mamma håpar på open veg då;)

Ynskjer alle mine leserar godt nytt år!!

3.søndag i advent.

Kosar meg med levande lys og bloggar no på morgonkvisten! Idag startar vi på eit lite prosjekt og så skal vi inn til byn på familiejulebord.

Ha ein fin 3.søndag i avent!

Eit aldri så lite llivsteikn!

Skal seie dagane går fort!! Bloggen har desverre blitt nedprioritert i denne travle førjulstida. I tillegg har eg starta i ny jobb dvs. hos gamal arbeidsgivar men ny jobb. Veldig kjekt å vere tilbake hos koslege kollegaer. I dag har eg og minstejenta handla litt julegåver. I morgon skal vi på søndagsope i byn og familiejulebord på hotellet med ein vennefamilie. Det har vi vore før og, veldig kosleg.

Huset er førjulspynta, her pyntar vi til jul lillejulaftan. I år skal vi til mannens familie i nord-Noreg på juleferie, så i år må eg pynte litt før. Eg og mannen har kjøpt gave til kvarandre på førskot i år:) Reknar med eg kan vise den fram om ei vekes tid;)

Denne fine lykta har eg kjøpt gjennom Casa interiør, dei har så masse fint! Ramma på kjøkkenet lenger nede kjem og derifrå, den skal etterkvart få bilete av våre eigne;)

Eg er vel strengt tatt ikkje heilt i rute med julebaksten iår, men peparkakehjarte med vindu har mamma tradisjonen tru laga med ungane. Dei heng i kjøkkenvinduet. Og eitt i kransen på ventilatorhetta.

Fortsatt god førjulstida alle saman:)

Kalender

Desse sit klare og ventar på 3 spente barn i morgon:)

Her stormar Berit og alle søstrene hennar!! Ynskjer alle ein fin kveld, eg må prioritere jobb i kveld og så eg verte ferdig til jobbskife over helga!

1.søndag i advent.

I dag har vi kosa oss. Vi har ikkje gjort så mykje "arbeid" men det er jammen god av og til! Her er nokre i hyrten og styrten bilete frå kjøkkenet i formiddag med søndagsmiddagen i ovnen. Vi er igrunnen nøgd med kjøkkenet. Vi brukte noko av den gamle innredninga, mala den og byta vask og benkeplater, nokre nye hyller og tallerkenhylla og vips eit heimekosleg og heilt ok kjøkken! Vil du sjå utgangspunktet kan du jo trykke her.

Adventstaken på bordet brukar eg vanlegvis ikkje på kjøkkenet litt stor.... men det va de å finne att alt etter flyttinga då... Dvs eg veit kor den andre er men har ikkje GIDDA å finne den fram innerst i eit skap på loftet.

I morgon tar eg til på siste veka på jobben min. Blir travelt for å bli klar med alt til å forlate det. Men gler meg vilt til å komme tilbake til min gamle arbeidsplass og den flotte gjengen der:)

Ny kvelden:)

Adventstid...

Å så var jammen advent!! Skal seie at tida går unna. Eg har hengt opp stjernene og pynta litt mannen er sendt avgårde for å kjøpe lys. Eg helde på med litt andre prosjekt og. No har eg jammen kome gjennom alle pappkassar frå flyttinga, problemet er at vi har altfor lite oppbevaringsplass då eg ikkje vil ha det på loftet eller i kjellaren...

Førjulstida er tid for kos, viktig å hugse på i alt stresset og:) Ha ein fin dag alle saman!

Rød jul!

Kjenner eg er veldig i julemodus for tida:) Masse kosleg å sjå fram til i adventstida:)

Ha ein fin kveld:)

No nærmar det seg..

jul!!! Eg startar ikkje juleforberedingar før i adventstida, forutan nokre julegåver:) Trur eg hadde blitt lei om eg skulle starta så tidleg. I år skal vi etter planen feire jul med mannens familie i Nord-Norge. Der har vi aldri feira jul så det blir spennande. Eg håpar berre på fine køyreforhold!!

Her går det i eitt. Aktivitetar for ungane på kveldstid, mykje jobb og fjøsstell. Om vel to veker startar eg i ny jobb som innebære meir pendling. Kryssar fingrane for at vi får kvardagen til å gå opp alikevel;)

Ha ein fin kveld alle saman!

Årets nyttårsbord

Her kjem litt bilete frå årets nyttårbord:) Servise fekk mine besteforeldre til sitt bryllaup. Bordet er pynta med kvite amaryllis og julekuler. Under lysekrona heng det kuler, englar og orkidear.

No skal eg hoppe i seng straks. Har ein frykteleg vond hals, formen er aldeles ikkje bra...

Natti natt

Julekos;)

Då var julaftan vel overstått og alle er vel nøgde med gåvene dei har fått. Huset står fortsatt på hovudet med mykje som skal pakkast på plass og monterast. Men det gjer ingen ting, det er jul og vi stressar ikkje;) Ungane prøver gåvene sine og kosar seg med julesnop og julebarne-tv.

Her kjem litt bilete frå årets ferdigpynta julebord:)

Idag har svigerfar bursdag så vi skal opp dit seinare idag:)

Fortsatt god jul alle saman;)

God jul alle saman

God jul alle saman:) Her har opplading til jula vore alt anna enn normal. Dagen igår gjekk med på barneavdelinga med minstejenta. Alt vel no;) Eg var i senga halv 3 i natt... så litt trøtt! Får sjå om eg får lurt meg til ein kvil i løpet av dagen. Ungane har opna pakkane frå nissen og funne julegodt i strømpane sin;)) Kosleg det!


Her er kjøkkenet med nye benkeplater, litt mørkare men fine alikevel;)



Denne juleduken hadde vi heime når eg var lita, syneste den er flott!!

Kjøkkenet før eg la meg inatt;)

Desse hjarta lika eg så godt, fann dei på ein liten nærbutikk i ei lita bygd:)

Strømpane heng klare med snop.

Og så årets juletre... Vi pynta med sølv og raudt:)

I formiddage skal vi til mamma på julelunsj, til kvelden skal vi vere her hos oss saman med mamma og mormor;) Det gler vi oss til! Likar igrunn å vere heime julaftan..

Ynskjer ei alle strålandes jul;)

Julestria..

Jau då eg er her...såvidt;) Denne førjuls tida har ikkje vore heilt som normalt... Som eg har fortalt har vi bytta benkeplater på kjøkkenet som fylje av ein reklamasjon. Etter det har eg ikkje blogga... De skulle berre sett kor kjøkkenet såg ut då snikkarane var ferdig... Skadar på kjøkkendører, lister pluss pluss. Var rett og slett så rasande at eg fann ut det var best å ikkje blogge pga. av faren for å skrive vel mykje stygt!! Heldigvis vert alt som er øydelagt bestillt nytt!!

I tillegg har eg fått tilbod om ny jobb i heimkommunen min, der gamlehuset er! Etter mykje fram og tilbake bestemte eg meg for å takke ja. Dermed vert da flytting på oss til sommaren!! Godt å endeleg ha tatt valget, men veldig spent på korleis dette skal bli...


Har no fått laga ein liten dekorasjon:))

Jula har liksom hatt litt lite fokus... men idag har eg henta fram julepynten:)) Imorgon har eg nokre pakkar som må handlast, så er vi klare for jul! Skal bli så godt å roe heilt ned no!!

God kveld alle saman:)

Jubileum og årets adventskalender!

God kveld alle saman;) Her er nissane til dei to eldste med pakkar på magen:) Ein gut og ei jente. Dei er vel 1 m lange. Det er mamma som har sydd og strikka dei, er ho ikkje flink vel? Desverre er det ikkje så lett å sjå kor fine dei eigentleg er med alle pakkane på så må ta eit nytt bilete litt ut i desember. Og så skal dei få seg ein litt finare plass å henge!

I dag har besøksteljaren runda 10 000!! Tenk at så mange er innom å besøke meg:)) Sette utruleg stor pris på alle dei koslege kommentarane eg får og:) Men mange som er innom som ikkje legg igjen spor!! Hadde vore utruleg kosleg å høyre kven det er og kva de synest! Kanskje det er noko de vil sjå meir av?

Jubileumet må feirast med ein giveaway iløpet av helga så følg med!! Lovar det skal bli ei fin og julete gåve;))

Ha ein fin kveld alle saman:)

Pepperkakehjerte med vindu!!

I dag har vi vore hos mamma og baka pepperkaker. Vi har laga hjerte vi skal henge i vinduet. Midt i dei har vi laga vindu med raudt "glas". "Glaset" er smelta bringebær drops.

Eg har ikkje vore nokon flink medbloggar i det siste... har det veldig travelt!! Men skal komme sterkare tilbake;)

No skal eg heim å legge trøtte born;)) Ha ein fin kveld alle saman!!

Adventskalender.

Det er jammen ikkje berre berre å finne på adventsgavar til 3 ungar som skal vere fengande og spennande og ikkje likt ifjor... Tips nokon?? Det blir ofte såpebobler, småleikar, hårpynt, lommelykter, forkle o.l. I år trur eg vi skal legge inn litt aktivitetar og. Badehallen, kino og juleforestillinga kanskje?

Denne adventsnissen er eldstemann sin. Mormora har laga den;)) No jobbar ho på spreng for å få ferdig ei nissekone til storesøster på 5!! Gjett om ho blir glad då!

Ha ein flott kveld alle saman;)

I`m back!!

Her har det jammen vore travelt i det siste, så har desverre ikkje vore så aktiv i Blogglandia i det siste:) Denne helga har vi besøkt gamle vener og naboar på Sotra! Kjempekjekt både for store og små;)) Idag har eg lagt med litt bilete frå jula ifjor. Kjenner julestemninga er i "emning" no;)) No er det jobben med 3x24 småpakkar som skal pakkast inn som som står for tur! Fekk ikkje flytta bileta etter eg hadde lasta dei inn... fleire med det problemet??

Ynskjer alle ein fin kveld:)

Lilla adventstid.

Her hos oss er advent lilla. Vel kjøkkenet får vere litt raudt... Har tatt litt bilete rundt i stua idag. Ikkje noke overdådig nedlesing av lilla gardiner puter, gardiner, lys og liknande men ein liten dæsj her og ein liten dæsj der. Gjerne saman med litt bling:)) Som tidlegare sagt eg er litt som kråka;)

Julekaker

Vi er så vidt komen igang med julekakebakinga her i huset. Nokre dagar før advent baka vi peparkakehjerter med vindu i, som heng i vindua på kjøkkenet. Vindua er laga av smelta syrlege drops:)

Igår baka eg og jentene julemannar. Denne oppskrifta har eg fått av mormor. Når eg var lita budde dei i Hardanger. Dei kom alltid til oss nokre dagar før jul. Hugsar så godt at ho vekte meg veldig tidleg om morgonen og så baka vi julemannar;)) Dette er dei aller beste synest eg, MJUKE inni:)

Når ungane såg Jul i svingen, tenkte eg at eg skulle som snarast bake nokre nøttetoppar! Vel, hastverk er lastverk!! Dei blei for blaute og flaut utover i staden. Ser meir ut som kjeks!! Men mannen i huset forsikra at dei var nett like gode:)

I dei neste 10 dagane blir nok jula skua litt til sides, ein eksamen står for tur!! Men neste lørdag skal vi på julehandel til byn, om alle er friske:))